A pegada Cristiá é moi antiga e abondosa no noso concello, e pode datarse claramente dende o século IX ou anterior, nas capelas de San Ciprián, devoción das primeiras comunidades alí establecidas, polo seu primitivo pío (S. IX) e a capela de Santa Eufemia en Trasbar, vinculada a unha fonte milagreira de culto pre-cristián.

Poderíanse mencionar moitos detalles máis, a falta dun estudo máis en profundidade; pero o valor do patrimonio do concello de Cervo vai moito mais alá do patrimonio industrial de Sargadelos, e cómpre seguir promocionando e conservando o tesouro relixioso que nos deixaron os devanceiros.