Cervo

Festas

Festas Gastronómicas

FESTA DO OURIZO (INTERESE TURÍSTICO GALEGO)

LUGAR: San Ciprián

DATA: Marzo (día variable)

O ourizo é un produto do mar de recoñecido prestixio polo seu intenso e exquisito sabor e polo seu extraordinario valor culinario. Por estas razóns, así como pola forte tradición de consumo, ano tras ano celébrase unha xornada gastronómica dedicada a este apreciado equinodermo. Na festa participan a maior parte dos establecementos hostaleiros da vila (bares e restaurantes), que preparan o ourizo en diferentes receitas: croquetas, empanada, tortilla, ao natural, cocidos, 'pudin' e outras moitas especialidades, buscando ano tras ano combinar as variedades tradicionais coa innovación.

FESTA DO MEXILLÓN

LUGAR: San Ciprián

DATA: Semana Santa

Cada sábado de Semana Santa celébrase a Festa do Mexillón, na que se pode degustar este marisco preparado de diferentes xeitos: cocidos, en salsa mariñeira, en salsa picante, recheos, á vinagreta, en tortilla, croquetas, pementos recheos de mexillón, en pizza, etc. A degustación pode realizarse en diferentes establecementos da zona, e adoita estar amenizada coa actuación de grupos folclóricos locais.

FESTA DA FABA

LUGAR: Cervo

DATA: Abril

A mediados de abril celébrase a Festa da Faba na Praza do Souto de Cervo. A degustación da fabada comeza cerca das 20:00 horas na carpa instalada para a ocasión na praza. Posteriormente ten lugar unha verbena.

EXALTACIÓN DA CARNE DO PORCO

LUGAR :Cervo

DATA : Abril

A mediados do mes de abril ten lugar na Praza do Souto de Cervo a degustación da carne de porco.

FESTA DO OVO FRITO

LUGAR:Cervo

DATA: Agosto

A mediados de agosto, no marco das festas patronais celébrase a Festa do Ovo Frito, na que se pode degustar este prato na Praza do Souto.

Praza do Concello, s/n

27891 Cervo

Tel.: +34 982 557 777 - Fax : +34 982 557 729

CONÉCTATE A CERVO

O Concello de Cervo tamén está contigo nas redes sociais. Sigue toda a súa actualidade a través destas canles e participa!