... 
Os servizos sociais de atención primaria son aqueles que realizan unha acción social globalizadora e polivalente, dirixidos ao conxunto da poboación do Concello de Cervo e que teñen por obxecto promover e posibilitar o desenvolvemento do benestar social de toda a cidadanía, regulados segundo o Decreto 240/1995, do 28 de xullo, polo que se regulan os servizos sociais de Atención Primaria.
A protección das persoas en situación de dependencia, un colectivo de poboación cada vez máis importante por mor dos cambios demográficos e sociais, converteuse nun reto ineludible para o nosos municipio, e o desenvolvemento de políticas para a promoción da autonomía persoal converteuse nunha das prioridades en materia de política social para o Concello de Cervo.
O Programa ten como finalidade garantir elevados mínimos de calidade de vida ás persoas con discapacidade do municipio de Cervo, promovendo entre elas a igualdade no acceso aos recursos e medidas de política social e atendendo e previndo as súas necesidades e problemas sociais.
Programas do Departamento Municipal
Conxunto de actividades, prestacións e equipamentos que teñen por obxecto a prevención, tratamento ou eliminación (no seu caso) das causas que impiden ou dificultan o pleno desenvolvemento dos individuos ou dos grupos no seu ámbito comunitario.
Programas de información, orientación e asesoramento
É a entrada fundamental dos servizos sociais, onde se reciben as demandas persoais, familiares e de colectivos. A través deste programa, os cidadáns e grupos do concello reciben unha axeitada información e asesoramento sobre os seus dereitos e os recursos sociais aos que poden acceder no seu marco territorial ou extraterritorial, ao mesmo tempo que reciben apoio técnico en canto á solución das situacións que se presenten.
O servizo de axuda no fogar busca prestar un conxunto de atencións ás persoas no seu domicilio, desde unha perspectiva integral e normalizadora, naquelas situacións nas que teñan limitada a súa autonomia persoal ou nos casos de desestructuración familiar.
O Programa de Emerxencia Social pretende dar resposta ás necesidades básicas para a supervivencia persoal e de mantemento da convivencia, así como paliar as situacións de necesidade que levarían aos individuos á marxinación social.
Este programa engloba diferentes actividades que busca un obxectivo común, como é ocupar o tempo de lecer dunha forma eficiente, na que se involucren valores de participación e integración social. Está dirixido ao colectivo de persoas maiores do Concello de Cervo, proporcionándolles a posibilidade de compartir experiencias e adquirir novos coñecementos, fomentando así as relacións interpersoais.
O Concello de Cervo tamén está contigo nas redes sociais. Sigue toda a súa actualidade a través destas canles e participa!
