A etapa transcorreu entre as localidades de Palas de Rei e Fraga Alta, pasando por Arzúa

O programa está conformado por un total de 9 etapas; a seguinte terá lugar o domingo 13 de outubro, entre Fraga Alta e A Brea

A quinta etapa do programa “Cervo no Camiño”, que transcorreu entre as localidades de Palas de Rei e Fraga Alta, congregou este domingo a medio cento de persoas.

Esta é unha iniciativa promovida polo Concello de Cervo, conxuntamente coas distintas asociacións do municipio, concibida co fin de impulsar e poñer en valor o Camiño de Santiago e, en concreto, o tramo que discorre polo termo municipal e que forma parte do Camiño do Mar.

Este programa conta con nove rutas, unha inicial que transcorreu polo propio Concello, e outras oito que fan o percorrido do Camiño Francés dende O Cebreiro ata Santiago de Compostela.

A seguinte etapa terá lugar o vindeiro domingo, 13 de outubro, entre Fraga Alta e A Brea.